Ытыктабыллаах киэҥ Ньурба олохтоохторо, ыһыах кыттыылаахтара, ыалдьыттара!

Ытыктабыллаах киэҥ Ньурба олохтоохторо, ыһыах кыттыылаахтара, ыалдьыттара!

Саха республикатын салалтатын,  Ил Түмэн норуот депутаттарын ааттарыттан Александр Гаврилович Габышев, Феодосий Семенович Донской  бэлиэ күннэригэр, Марха улууһа  195 сылыгар анаммыт  ытык ыһыах аһыллыбытынан итиитик-истиҥник  бука барыгытын эҕэрдэлиирбин көҥүллээҥ.

Күндү Ньурба олохтоохторо, ытыктабыллаах Алексей Михайлович, мин махтал тылларбар кыттыһаллар Феодосий Донской оҕолоро, сиэннэрэ, хос сиэннэрэ. Бэйэм Феодосий Семенович  биир сиэнин кэргэнэ буоларым быһыытынан,  кини эдэр ыччаттара кэскиллээх кэрэ оторой-моторой дьонноро  киэҥ Ньурбаҕа  үтүө санаалара, махталлара  үтүмэн. Ол тыллары хайаан да тириэрдээр диэн кини кыргыттара, уола этэн ыыппыттара.  Ол ытык иэспит эһиэхэ этэрбин көҥүллээҥ.

Унньуктаах уһун  тымныы кыһыны туораан,  күүтүүлээх куйаас  күөххэ үктэнэрбит кэлэрин  бэлиэтээн  өбүгэлэрбит Ытык Ыһыаҕы ыһалларын,  онно ис хоһоонноон өйдөбүл төрүттээбиттэрин үрдүктүк тутаммыт  биһиги бу күҥҥэ диэри илдьэ кэллибит.  1991 сыллаахха Саха АССР  Үрдүкү Сэбиэтин Президиумун  Ыйааҕынан  сахабыт Ыһыаҕа государственнай  бырааһынньыктар кэккэлэригэр киирбитэ. Бу биһиги эһэлэрбит,  аҕа доҕотторбут өбүгэлэригэр ытык иэстэрин толорон,  үүнэр саха кэскилигэр  бу маннык олордохпутуна  кэскиллээх буолуохпут  диэн өйдөөннөр-санааннар  саха Ыһыаҕа бүгүҥҥү күҥҥэ  сылын аайы күүскэ  тэрээһиннээхтик, киэҥник, үөрүүлээхтик ыытыллар. Ол да курдук буолуоҕа диэн эрэнэбин.

Баҕарабын эһиэхэ тоҕус үйэ тухары  туола турар, аҕыс үйэ тухары  алла турар байылыат дьоллоох олоҕу, чөл туругу.  Ньурба дьонугар уруй-айхал буоллун, айхал-мичил буоллун!

СӨ Ил Түмэн Судаарыстыбаннай мунньаҕын бэрэссэдээтэлэ Петр Васильевич Гоголев