Сүҥ Дьааһын Айыы
Сүҥ Дьааһын тыынынан
Сүрэхпит сылааһа, тапталбыт иэйиитэ
Ийэ Айылҕаҕа ананнын…
Дьылҕа, Таҥха, Билгэ Айыылар
Дьылҕа, Таҥха, Билгэ Айыыларынан
Ааспыт, блиҥҥи, кэлэр кэммит
Күҥҥэ тардыһан арыллан истин…
Одун, Чыҥыс Айыылар
Одун, Чыҥыс Айыыларынан
Сир Ийэҕэ аналбытын толорон
Киэҥ Куйаар тэтимин ылыаҕыҥ.
Үрүҥ Айыы
Үрүҥ Аар Айыы Таҥарабыт
Тэрчибитн сырдаттын
Хараҥа күүһү халбарыттын
Ыһыах алгыһыттан
Айыыһыт
Айыыһыппыт аргыстаһан
Ыччат — оҕо,кэскил- кэнчээри
Өбүгэ күүһүнэн араҥаччыланнын…
Иэйэхсит
Иэйэхсиппит эҥэрдэһэн
Төрөөбүт Дойдубут үтүөтэ – кэрэтэ
Тойон сүрэхпитин, хара быарбытын харыстаатын…
Дьөһөгөй Айыы
Дьөһөгөй Айыы күүһүнэн
Эр күүс эрчимирэн истин
Ийэ күүс илгэ – быйаҥ тартын…
Хотой Айыы
Хотой Айыы ырааҕы көрдөрдүн
Сэттэ көлүөнэҕэ тиийэ барар
Дьиҥ билии кэлиэхтин…
Улуу Суорун Айыы
Улуу Суорун мындырынан
Өйбүт – санаабыт, эппит – сииммит
Айылҕаҕа чугаһаан, арыллан истин…
