“SUNRISE» үҥкүү-спортивнай кулуубун отчуота буолла


Бэс ыйын 7 күнүгэр, Дьокуускай куорат сынньалаҥ пааркатыгар «SUNRISE» үҥкүү-спортивнай кулуубун 2018-2019 сезонун отчуота буолла. Сайыҥҥы сылаас киэһэҕэ, кулууб үөрэнээччилэрэ, төрөппүттэрэ, уһуйааччылара мустубут дьоҥҥо олус сэргэх киэһэни бэлэмнээбиттэр. Аан бастакы нүөмэринэн Грация группатын оҕолоро “Spring Sunrise” Венскэй вальсынан саҕалаатылар. Саамай кырачаан оҕолор Флик Фляк группата “Первые шаги” бытаан вальсы, “Буги Буги” үҥкүүнү толорон, көрөөччүлэр ытыс дохсун тыаһынан көрүстүлэр. Биир интэриэһинэй нүөмэринэн Пируэт группатын о5олоро “Мальчишник в малиннике” Квикстеп үҥкүүтүгэр Айыына Самсонова Ла Сен ырыаны толоруута буолла. Пируэт группа о5олоро “А давайте танцевать” польката олус өрө күүрүүлээхтик толорулунна. Кулууб бастыҥ үҥкүүһүтүн Анастасия Костылева толоруутугар “Эта была война”, “Мне бы петь” ырыалары сэргээтилэр. Лещева Олеся толоруутугар “Мама знает” уонна “Раз ладошка, два ладошка” ырыатыгар “Юные звездочки” үҥкүүнэн хамсаныылары оҥордулар. Грация группа оҕолорун толорууларыгар “Наше мнение” Джайв, “Время не остановить” Ча ча ча , “И сквозь тьму прольется свет” Самба үҥкүүлэри үрдүк таһымҥа үҥкүүлээтилэр. Биир ураты, көрөөччүлэр сэргээбит толорууларынан Галина Шахурдина ырыатыгар “Балыктаах киэһэтэ” ырыаҕа флешмоб толоруулара буолла. Бу ырыаҕа үҥкүүнү Айар Кут медиахолбоһук салайааччыта Егор Иванов, саха норуота бу ырыаҕа анал хамсаныылары үөрэтэн, биир тэнник үҥкүүлээтиннэр диэн идея киллэрбитэ. Онтон ыла “Sunrise” үҥкүү-спортивнай кулууба репертуарыгар киллэрэн үҥкүүлэтэр. Түмүккэ, кулууб уһуйуллааччылара бары тахсан, “Модный рок” толорон үөрүүнү бэлэхтээтилэр. Биир сезоҥҥа оҕолор туохха уһуйуллубуттарын көрдөрдүлэр, уһуйуллааччыларын Лейла, Юрий Алексеевтар төрөппүттэрин махталларын ыллылар. Тренердэр ытыс дохсун тыаһынан, хас биирдии оҕоҕо, эҕэрдэ суруктары туттардылар, өйдөбүнньүк мэтээллэри кэтэртилэр. Төрөппүттэр оҕолоругар минньигэстэринэн күндүлээтилэр.

Читайте также:  Время танцевать!

Бу курдук олус сэргэх, үтүө тэрээһин буолан ааста. Өссө биир сыл устата, элбэх араас сайдыылаах дойдулар үҥкүүлэрин билбит, араас таһымнаах куонкурустар, күрэхтэр ирдэбиллэригэр эппиэттиир үҥкүүлэри үөрэппит оҕолор биир кэрдиис кэми аһаран, эһиил эмиэ көрсүөх буолан үөрэ-көтө тарҕастылар.