Күргүөмүнэн ырыаны толоруу кыракый нэҺилиэк, улуус, республика, бүттүүн норуот сомоҕолоҺуутун, өйүн – санаатын, духуобунай сайдыытын көрдөрөр суолталаах эйгэтэ буоларын бэлиэтиибин. Тыйыс айылҕалаах сахабыт сирин бары олохтоохторо күннээҕи олохтон, үлэттэн — хамнастан быыс булан, өй- санаа өттүнэн сырдыкка тардыһан, киһи буолан сайдыытыгар, бииргэ буолан олох — дьаҺах тупсуутугар сүҥкэн улахан кылааты киллэрэргэ кыһамньыбыт, ол онно сытар ХОР анала. Хор  ускуустуба биир үрдүкү чыпчаала буоларын, кини дьайыыытын туҺунан элбэх учуонайдар, бу эйгэҕэ үлэлиир дьон кэтээн көрүүлэринэн даҕаны сылыктаатахха  үтүө өрүттэрин ааҕан сиппэккин.

Саха сахатынан кэрэ. Ханнык баҕарар омук өбүгэтиттэн бэриллибит уратыларын илдьэ сырыттаҕына, сайыннардаҕына күүстээх буолар. Биллэн турар ол төрүт тылбыт, духуобунай уонна материальнай култуурабыт. Ханнык баҕарар сайдыыга Креатив баар буолуохтааҕын өйдөөн, дьон болҕомтотун тардар, умсугутар курдук ол креативы долгун курдук маассабайдык бары салааларга элбэтиэх тустаахпыт. Улуу музыкант Синити Судзуки холобурунан убаастыыр, ытыктыыр, маҥнайгы бэрэсидьиэммит Михаил Ефимович «Музыка барыларыгар» диэн программаны төрүттээбитэ. Төрүт култуура оскуолаларбытыгар киирэрин өйөөбүтэ. Киһи капиталыгар, киһини сайыннарарга үлэлиир дойдулар былыргаттан түргэнник сайдаллар уонна кэхтибэттэр. Култуура дьон — дойду сайдыытын биир стратегическай тирэҕэ, саха омук култуурнай кодун, ис дьиҥин чөл хаалларар олуга буоларын быһыытынан бу саха ордук сыстаҕас, сатыыр эйгэтин сайыннарыы саамай сөптөөх суола буоларын билинэбит.

2020 сыллаахха олунньу 15 күнүгэр Улуу Кыайыы 75 сылыгар «МОЯ ИСТОРИЯ» историческэй пааркатыгар «МОДУН КҮҮС» бырайыак чэрчитинэн «Айхал эйиэхэ, төрөөбүт дойдубут» республикатааҕы хор көрүүтүн бэстибээлин СӨ култуура министиэристибэтэ, СӨ Ил — Түмэнэ,  Республикатааҕы норуот айымньытын дьиэтэ, Хоровой уопсастыба, «Моя История» историческай парката, С.А.Зверев — Кыыл уола аатынан үҥкүү тыйаатырын иҺинэн Саха национальнай аркыастыра ону сэргэ»АЙАР КУТ» түмсүү тэрийиилэринэн олус киэҥ далааҺыннаах, суолталаах тэрээҺин ыытыллыбыта. Сахабыт сирин патриотическай ырыалара аркыастыр доҕуҺуолугар оҥоҺуллан, уҺуллан куйаар ситиминэн хас биирдии ырыа нотаҕа түһэн, хоровой партиялара оҥоһуллан тарҕаммыттара. Хас биирдии кыттыбыт хоровой кэллэктиип толоруутун аудиоҕа уонна видеоҕа устан түҺэриллибитэ билигин «Тэтим» саха радиотыгар, НВК Саха көмүс архивыгар киирбиттэрэ. ТэрээҺин кэннэ пандемия саҕаламмытыгар хоровой кэллэктииптэр араас международнай, российскай таҺымнаах  көрүүлэргэ ити устууларынан ситиҺиилэммиттэрэ, дойдубут имеджевай политикатыгар сүҥкэн оруолу ылбыттара. Республика хоровой кэллэктииптэрин, тэрээһинин туҺунан анал ыстатыйалара «АЙАР КУТ» сурунаалга, араас элбэх туһааннаах сайтарга, анал медиа — альбомҥа киирбиттэрэ. Ити барыта тэрийээччилэр бииргэ буолуубут, биир санаанан салайтаран хоровой ускуустуба сахабыт сиригэр сайдыытыгар туһуламмыт үлэбит түмүгэ буоларынан сыаналыыбын. Бу тэрээһинтэн тирэҕирэн кэккэ сылларга бирдиилээн кэллэктиптэри кытта үлэлэһэн, тэрээһиннэри ыыталаан, элбэх видеоклиптары, ырыалары устаталаан о.д.а үлэлэри тиһэҕин быспакка ыытан кэллибит.

«АЙАР КУТ» хорунан ырыаны толоруу ускуустуба биир уустук эйгэтин маҥнай тэриллиэҕиттэн өйөөн, бу эйгэҕэ үлэлиир уопсастыбаларга бигэ тирэх буоларга айымньылаахтык үлэлээн кэллибит. Быйыл 2025 сыл олунньу 25 күнүгэр народнай акция «СИЛА В ЕДИНСТВЕ!» диэн патриотическай ырыаны толорууга хоровой конкурс — фестиваль тэрийэргэ былааннаах үлэни ыыта сылдьабыт.  Хас биирдии улахан тэрээһин олус элбэх сыраны сылбаны эрэйэрин тустаах дьоннор билэн эрдэхтэрэ. Манна биһигини кытта тэрийэр бөлөххө кыттыһан үлэни ыыта сылдьар СӨ култууратын министиэристибэтигэр (министр Ноев А.И), Арассыыйа некоммерческэй хоровой уопсастыбатын саха сиринээҕи салаата (салайааччы Павлова — Борисова Т.В.), «ТРИУМФ» спорткомплексыгар (дириэктэр Пахомов М.Д.), С.А.Зверев – Кыыл уола аатынан национальнай үҥкүү тыйаатырыгар (дириэктэр эбээһинэһин толорооччу Гуляев Н.Н), бэйэлэрин үлэлэрин толору баһылаабыт бииргэ алтыһар доҕотторбор звукорежиссер Леонид Моисеевич Иванов – Лүҥкүргэ, Ренат Максутовка, уот – күөс эйгэтин тупсарааччы Александр Борисовка, Саха национальнай аркыастырын сүрүн дирижеругар Николай Павлович Петровка, фотографтар Николай Барашковка, Мичил Яковлевка, Иван Петровка, тэрээһин сүрүн хаамыытын салайсар Үҥкүү тыйаатырын артыыһыгар Дьулустаан Харлампьевка, Олоҥхо тыйаатырын звукооператорыгар, мусукааныгар Айсен Кысылбаиковка, баай уопыттаах үҥкүү туруорааччы Маргарита Скрябинаҕа, видеографтар Александр Маликовка, Павел Ефимовка, танцевальнай спорт федерациятын салайааччытыгар Михаил Сивцевка, кэрэ эйгэтин тупсарааччы Филипп Христофоровка, дизайнер Владимир Дойдуковка, култуура десанын кыттыылаахтарыгар, Чычымахтааҕы эр дьон ансаамбылыгар, култуура дьиэтин үлэһиттэригэр, бары санаалыын өйүү сылдьар дьоммор — сэргэбэр  тугунан да тэҥнэммэт дириҥ махталбын биллэрэбин.  Олунньу 25 күнүгэр «ТРИУМФ» сырдык, киэҥ уораҕайыгар толору элбэх көрөөччү кэлэн сырдык эйгэ кэрэтиттэн бэрэһиннэриэхтэрэ, кыттыһыахтара, бэйэлэригэр элбэҕи ылыныахтара диэн эрэнэбин. Киирбит үп-харчы анал байыаннай операцияҕа кытта сылдьар ийэ дойдубут туһугар туруулаһа сылдьар хорсун хоодуот биир дойдулаахтарбытыгар ананыа. Тэрээһин буолуор диэри өссө да араас тэрилтэлэр, биирдиилээн дьоннор өйүөхтэрэ, хоровой ускуустуба сайдыытыгар туһуламмыт тэрээһини сыллата ыытарга үлэлэһиэхтэрэ диэн ыҥырабын.

Читайте также:  Мастер своего дела Андрей Осипов

«СИЛА В ЕДИНСТВЕ!» народнай акция быйыл республика самодеятельнай, народнай хордарын, үҥкүү кэллэктииптэрин, биллиилээх народнай, үтүөлээх солистарын, геройдарын, артыыстарын, спортсменнарын,   сахалыы үнүстүрүмүөннэр маастардарын, саха быһаҕын уустарын, биллиилээх скульптор Николай Чоччасовы түмүөҕэ. Тэрээһин Гала – кэнсиэрэ куйаар ситимигэр быһа биэриитэ олохтонуо. Профессиональнай фото – видео, тыас уус, дорҕоон, доҕуһуол устуута ыытыллыа. Көрөөччүлэргэ анаан аркыастыр доҕуһуолугар своднай хору кытта бииргэ ыллаһарга анал экраннарга ырыа тыллара көстүөхтэрэ, анал уот – күөс ситимэ тардыллан хас биирдии киһи устуоруйаҕа киирэр эйгэтэ олохтонуо.

Сарсыардатын «МОЯ ИСТОРИЯ» историческай паркатыгар хоровой кэллэктииптэр көрүүлэрэ, хоровой ускуустуба саха сиригэр сайдыытыгар туһуланар кэпсэтии ыытыллыа.

Күнүһүн «ТРИУМФ» спорткомплексыгар сахалыы үнүстүрүмүөннэр маастардарын, саха быһаҕын уустарын быыстапката, атыыта, биллиилээх скульптор Николай Чоччасов сыллата ыытыллар хоровой бэстибээл кыайыылаахтарыгар,  анал бириэмийэ статуэткатын уонна маастардар туруорбут бириистэрин презентацията буолуоҕа.

Киэһэтин дьэ саамай эппиэттээх уонна киэҥ далааһыннаах тэрээһин «СИЛА В ЕДИНСТВЕ!» народнай акция Гала – кэнсиэрэ буолуоҕа. Манна биллиилээх артыыстар, Радомир Максимов Арассыыйа геройа, спортсменнар, активистар, конкурска кыттыбыт бары хоровой кэллэктииптэр, ону сэргэ баҕалаах ансаамбыллар, бары кыттааччылар СВОДНАЙ ХОРГА кыттыһыахтара.

СВОДНАЙ ХОР репертуара:

С.А. Зверев —  Кыыл уола аатынан национальнай үнкүү тыйаатырын иһинэн Саха аркыастырын Сүрүн дирижера уонна уус уран салайааччыта, РФ култууратын үтүөлээх үлэһитэ, СӨ ускуустубатын үтүөлээх деятелэ Николай Павлович Петров салайыытынан Аркыастыр, Хор биир тэтимҥэ киириэхтэрэ.

Читайте также:  Команда Пётра Степановича примет участие в акции «Сила в единстве!»

1.       Государственный гимн России (хор)
2.      Государственный гимн РС(Я) (хор)
3.      «Священная война» сл. Василия Лебедева  -Кумача, муз. Александра Александрова, орк. Афанасия Томского — (хор)
4.      «Мин мантан сэриигэ барбытым» сл. Иннокентия Артамонова, мел. Дениса Данилова, орк. Анны Томской (солист Петр Бучугасов, хор)
5.      «Тыыннаахтар умнубат сыллара »  мел. Николая Бойлохова обр. Р.Борисова сл. Петра Одорусова орк. Афанасия Томского (хор)
6.      «Синий платочек» сл. Якова Галицкого, муз. Ежи Петерсбурского (солистка Екатерина Захарова, хор)
7.      «Смуглянка» муз. Анатолия Новикова, сл. Якова Шведова, орк. Афанасия Томского (солист Григорий Петров, хор)
8.      «Эйэ дьол иһин»  мел. Георгия Никифорова сл. Степана Тимофеева орк. Афанасия Томского (хор)
9.      » Сырдык үөрүү»   мел. Станислава Луковцева сл. Иннокентия Артамонова орк. Николая Петрова (солист Александр Емельянов, хор)
10.    «Катюша» муз. Матвея Блантера, сл. Михаила Исаковского, орк Афанасия Томского (солистка Екатерина Захарова, хор)
11.    «Ехал я из Берлина» сл. Льва Ошанина, муз. Исаака Дунаевского (солист Григорий Петров, хор)
12.    «Майский вальс» муз. Игоря Лученка, сл. Михаила Ясеня, орк, В. Криницкого (солист Александр Емельянов, хор)
13.    «Киэн тутун» сл. и мел. Данил Афанасьев — Талба, орк. Инна Скрыбыкина (солист Радомир Максимов и мужской ансамбль Таттинского улуса, хор)
14.    «Хайыһар » ( Песня о якутских воинах-лыжниках)    мел. Андрея Костина, сл. Ильи Винокурова-Чаҕылҕан, инстр. Анюты   Ивановой (солист Радомир Максимов, хор)
15.    «День Победы» мел. Давида Тухманова, сл. Владимира Харитонова, орк. Афанасия Томского (солист Александр Емельянов и все участники)
16.    «Встанем» сл. и муз. Ярослав Дронов (солист Николай Роббек, хор)
17.    «Прощание славянки» муз. Василий Агапкин (хор)

Дьэ, бу күҥҥэ бары түмсэммит «СИЛА В ЕДИНСТВЕ!» народнай акцияны өйүөҕүҥ, МУУСУКА, ХОР, ЫРЫА, ДОРҔООН, ҮҤКҮҮ, КӨСТҮҮ үтүөнү, ыраас санааны, дьоллоох – соргулаах олоҕу түстээтин!

«СИЛА В ЕДИНСТВЕ!» народнай акция информационнай страницата: https://horykt.ru/

СҮДҮ ХОР
Сиккиэр тыал оргууйдук сипсийэр
Намчы лабаа сэбирдэҕэ суугунуур
Үрүйэ уута сыыдамнык устар
Күөрэгэй ырыата чуордук чоргуйар.
Хор дьүөрэлэспит дорҕооно
ДууҺабын истиҥник долгутар
Күргүөмүнэн толоруу кэрэтин
Истэҥҥин дьоллонуоҥ, сүдү Хор.
Санаабын сааҺылыыр сүдү Хор
Салгыны хамсатар сүдү Хор
КиҺи аймах төлкөтүн түстээччи
Таҥара кэпсэтэр тыла Хор.
Кыайыыга сирдээбит модун күүс
Эппиэттээх буолууга уҺуйар суол
Эрчими эбэр дьикти дорҕоон
Күргүөмүнэн толоруу сүдү Хор.
Хорунан толорор уустук көрүҥү
Ускуустуба үрдүкү чыпчаалын
Түмсүөҕүҥ, ыллыаҕыҥ доҕоттоор
Тахсар күн сирдьитэ сүдү Хор.
Егор Иванов, 24.12.2024с.

Егор Иванов – Түмэрчиҥ, «АЙАР КУТ» түмсүү салайааччыта, Сибиир уонна Дальнай восток «Неравнодушный гражданин» бириэмийэ хаһаайына, Россия суруналыыстарын сойууһун чилиэнэ.