“АЙАР КУТ” кэллэктиибэ чугастык саныыр коллегабыт, норуот таптыыр, сөбүлүүр артыыската Марфа Колесова-Расторгуева төрөөбүт күнүн истиҥник санаан ааһар.

Бүгүн, муус устар  3   күнүгэр, РФ үтүөлээх артыыската, СР народнай артыыската, Саха сирин Бриллиантовай Циркэтин төрүттээччилэриттэн биирдэстэрэ, норуот сөбүлүүр ырыаһыта Марфа Петровна Расторгуева төрөөбүт күнэ. Марфа Петровнаны билбэт киһи бука, суоҕа буолуо. Кини арылхай, мичээрдии сылдьар харахтарын көрбүт, кылыһахтаах куолаһын истибит киһи хаһан да умнубаттыы өйдүүр. Оннук киһи этэ, Марфа Петровна барахсан! Айар талаан абылаҥар ылларбыт Марфа Колесова олоҕор сөптөөх суолу талбыта. Эмиэ бэйэтин курдук талааннаах, искусство бары жанырдарыгар дьоҕурдаах Сергей Расторгуевтыын көрсөн, олоҕун суолун холбоон үтүө олоҕу олорбута. Сергей Васильевичтыын саха норуотугар циркэ өйдөбүлүн киллэрэн Аан дойдуга, тымныы Полюһугар Бриллиантовай Циркэни төрүттээтилэр, элбэх ыччаты үөрэттэрдилэр. Циркэ киэҥ-куоҥ дьиэтин бырайыактаан киллэттэрдилэр. Ол иһин билигин араас омук ааттаахтара Саха сиригэр циркэ баарын, сахалар бу эйгэҕэ талааннаахтарын билинэллэр. Ол да иһин кэргэннии Расторгуевтар ааттара үйэ тухары кыһыл көмүс буукубанан сурулунна.

Саха норуота талааннаах, үтүөлээх артыыската Марфа Колесова-Расторгуева аатын хаһан да умнуо суоҕа. Кини аатынан Циркэ дьиэтигэр музей тэрилиннэ, кини аатынан араас куонкурустар ыытыллаллар.

Муус устар ый 6 күнүгэр, Марфа Колесова-Расторгуева сырдык кэриэһигэр “Кылыһах куйаардыын ситимэ” бэһис республиканскай ырыа куонкурса ыытыллыаҕа. Тэрийээччилэр- СР культураҕа уонна духуобунай сайдыыга министэристибэтэ, Марфа уонна Сергей Расторгуевтар ааттарынан Государственнай Циркэтэ.
Билиэт 500 солк.

Читайте также:  В Якутске вышел новый журнал
Саха норуотун тапталлаах ырыаһыта Марфа Колесова  төрөөбүт күнэ.

Бу куонкурус уратылаах буолуоҕа. 90с сылларга Марфа уонна Сергей Расторгуевтар аан бастакынан тэрийбит Ойуун синтез- тыйаатыры циркэ билиҥҥи артыыстара аныгылыы буочарынан сөргүппүттэрин көрөр дьоллонуоххут, Эстрада тыйаатырын артыыстара, Циркэ коллектива, Күн Өркөн Дьокуускайдааҕы искусство уонна култуура колледжын айар коллектива, Марина Кузьмина салайар Леди+ үҥкүү коллектива, ураты сахалыы куоластаах Варя Аманатова, Саарын, эриэккэс ырыаһыт Олимпия ырыаларын бэлэх уунуохтара. Кэлэн кылыһах куйаардыын ситимигэр холбоһон дьикти киэһэни атаарын !!!