Күндү биир дойдулаахтарым!

Күндү биир дойдулаахтарым!

Саха Өрөспүүбүлүкэтин Ил Түмэнин уонна тус бэйэм ааппыттан  эһигини Улуу Тунах ыһыаҕынан эҕэрдэлиибин!

Быйылгы Ньурба улууһун ыһыаҕа Марха улууһа тэриллибитэ 195, Россияҕа театр, Саха Өрөспүүбүлүкэтигэр Сомоҕолоһуу, Ньурба улууһугар “Киһи ис кыаҕын сайыннарыы” сылларыгар, биир дойдулаахтарбыт — судаарыстыбаннай уонна политическай диэйэтэл Александр Гаврилович Габышев 120; Аҕа дойду Улуу сэриитин кыттыылааҕа, суруналыыс, социолог-чинчийээччи Феодосий Семенович Донской 100 сааһын туолар өрөгөйдөөх үбүлүөйдэригэр ананан ыытылынна. Кинилэр үтүө ааттарын үйэтитии – биһиги ытык иэспит.

Бары биир дьиэ кэргэн курдук үтүө санаабытын холбоон, Сахабыт Сирэ, тапталлаах Ньурбабыт чэчирии сайдарын туһугар бииргэ үлэлиэх, саҥаттан саҥа ситиһиилэргэ талаһыах тустаахпыт.

Ийэ айылҕабыт силигилээн, тупсан турар кэмигэр эһиэхэ хас биирдиигитигэр быйаҥ олоҕу, чөл туругу, этэҥҥэ буолууну баҕарабын. Саргыбыт салалыннын, элбээн, тэнийэн, чэчирээн иһиэҕиҥ. Үрүҥ тунах ыһыах Ньурбабыт инники сайдыытыгар дьолу тосхойдун, алгыстаах буоллун! 

Эһиги дьокутааккыт, А. А. Григорьева
Бэс ыйа, 2019 с.