Күндү биир дойдулаахтарым, убаастабыллаах Петр Васильевич, ытык-мааны ыалдьыттар!

Күндү биир дойдулаахтарым, убаастабыллаах Петр Васильевич, ытык-мааны ыалдьыттар!

Долгуйан туран саха норуотун дьөһөгөй бырааһынньыгынан  үрүҥ тунах ыһыаҕынан Ньурба улууһун дьаһалтатын, тус бэйэм ааппыттан эҕэрдэлиирбин көҥүллээҥ. Ньурба оройуонун ыһыаҕа биһиги дойдубутугар Россияҕа Тыйаатыр сылыгар,   республикабытыгар сомоҕолоһуу, Ньурбабыт оройуонугар хас биирдии киһи ис кыаҕын арыйар сылыгар Мархабыт улууһа төрүттэммитэ 195 сылыгар, биһиги биллиилээх киэн туттар дьоммут государственнай уонна политическай деятеллэр Александр Гаврилович Габышев, Феодосий Семенович Донской  үбүлүөйдээх сылларыгар анаммыт ыһыаҕынан күндү биир дойдулаахтарбар, ытык-мааны ыалдьыттарга   эҕэрдэ тылларбын этэбин.

Өрөспүүбүлүкэҕэ Ньурба биир  бөдөҥ,  баай историялаах уонна  культуралаах оройуон буолар. Биһиги Ньурбалар ыалдьытымсах, сэргэх, туруу үлэһит дьоннордоохпутунан биллэбит. Бүгүн ытык-мааны ыалдьыттары хайдах маанылаан көрсөрбүтүн, уруй-айхал этэрбитин , инники көлүөнэбит эдэр ыччат ырыатын-үҥкүүтүн толору көрдөрдүбүт уонна умна быһыытыйбыт урукку кэмнэрбитин санаан ыллыбыт.

Биһиги Ньурбалар сыллата инники күөҥҥэ дьулуһа туруохтаахпыт! Быйыл  2019 сылга Ньурба  дьоно-сэргэтэ, нэһилиэктэрэ биир санаанан  улуус, республика, дойдубут сайдарыгар бары бииргэ сомоҕолоһон,   биир киһи курдук  мустаммыт, биир санаанан үлэлиэх-хамсыах тустаахпыт.

Дойдум дьоно, ытык-мааны ыалдьыттар, биһиги кэнчээрилэрбит  —  оҕолорбут аартыктара  сырдык киэҥ буоллун!  Улууспут инники сайдыытыгар  үлэлээн-хамсаан,  сомоҕолоһон, уруйдаан-айхаллаан бүгүҥҥү үрүҥ тунах ыһыаҕы өрөгөйдөөхтүк атаарыаххайыҥ!

Ньурба улууһун Аҕа баһылыга Алексей Михайлович Иннокентьев