Күндү биир дойдулаахтарым!

Күндү биир дойдулаахтарым!

Ньурбаны чинчийээччилэр, учуонайдар уонна дьон — сэргэ билинэринэн, саха омук үйэлээх төрүт  үгэстэрин сүтэрбэккэ илдьэ сылдьар уратылаах дойду буолар. Ыһыах алгыһа, тойуга, оһуохайа үйэлэри уҥуордаан көлүөнэттэн көлүөнэҕэ бэриллэн, сайдан иһэрэ барыбытын үөрдэр, кынаттыыр. Ыһыах тэрээһинигэр норуот бэйэтэ кыттан,  түмсүү, сомоҕолоһуу түһүлгэтин төрүттүүр, түстүүр уратылаах. Ыһыахха сылдьыбыт ыалдьыттар санаалара, этиилэрэ ону туоһулуур, 2 түүннээх күн уостубат түөлбэ күөл саҕа түһүлгэлээх оһуохай, тохтообот тойук, алгыс мааныта, ас астыга — бу биһиги Ньурбабыт аар аакка ааттанар ыһыаҕа!

Аар айылҕа, олох, сайдыы ситимнэһэр философията киһи аймах түҥ былыргы итэҕэлиттэн силис тардынар. Ыһыахпыт силигирии сайда турдун! Үтүө үгэспит чэчирии чэлгийдин!

М.Р. Гоголева, СӨ култууратын үтүөлээх үлэһитэ