Киһи аймах историятын, инники дьылҕатын бэйэтэ оҥорор. Ол курдук быйыл улууспут историятын биир чаҕылхай киһитин Улуу Омолдоону кэрэһэлиир, арыйар, көрдөрөр «Уол оҕо, ат кулун Омолдоон» түөрт хартыыналаах, эпилогтаах музыкальнай драма норуот күүһүнэн, дьоҥҥо-сэргэҕэ көрдөрөр сыалы-соругу туруоран «Айар Кут» түмсүү үлэлии-хамныы сылдьар (Быйыл 500 тыһ. Фонд культурных инициатив гранын кыайыылаҕынан таҕыста).
Истибиккит курдук Бүлүү улууһун олохтоохторо бүттүүн турунан «Сыгый Кырынаастыыр» диэн Уустаах Избеков либреттотынан Опера туруоран дьон сэҥээриитин Саха сиригэр, Москваҕа, интернет эйгэтигэр ылыаҕын ылла. Омолдоон туһунан музыкальнай драманы культурнай десант 2 сыллаах үлэтин түмүгүн көрдөрөр сыаллаах, Саха сирин үтүөлээх артыыһа, биир бас алгысчыта Афанасий Федоров ньурбалар номохторун туһанан суруйан бэлэмнээтэ.
Билигин муусукатын суруйуута, актерскай састаабы бигэргэтии, драманы туруорар хамаанда үлэтэ, декорация, таҥас-сап оҥоһуллуута, туох да үтүмэн элбэх үлэ күүтэр. Режиссерунан биир дойдулаахпыт Александр Титигиров, мууусукатын суруйуу бөлөх эппиэттээҕинэн Саха аркыастырын сүрүн дирижера Николай Петров, иккиэн Сахабыт сиригэр биллэр ускуустуба үтүөлээх деятеллэрэ.
Маны таһынан быйыл Улуу Сыһыыга, Ньырбакаан, Быркынаа, Омолдоон уонна да атын өбүгэлэрбит олорбут мааны сирдэригэр, Чаппандаттан чугас, Омолдоон памятнига турар сиригэр, улахан, тула өттө бүтэйдээх, дьэрэкээн тутуулардаах «История кэрэһиттэрэ» («Общественно-культурное пространство-сквер «Свидетели истории») тутуллуоҕа.
Улуус дьоно, ыалдьыттара таптаан сылдьар, сынньанар, өбүгэлэригэр сүгүрүйэр, историяны үөрэтэр, араас тэрээһиннэри ыытар сирдэрэ буолуоҕа. Онно өбүгэлэрбит памятниктара, аламай күнү көрсөргө аналлаах туом ыытыллар тутуулара барыахтара. Ону таһынан быйыл Креативнай сайыҥҥы оскуола (школа креативных индустрий — культурный десант) үлэтин салҕыахтаах, Чаппандаҕа Өрөспүүбүлүкэ араас муннуктарыттан бэйэлэрин идэлэрин толору баһылаабыт исписэлиистэр кэлэн оҕолору, ыччаты үөрэтэн-такайан, куттарыгар кэрэҕэ тардыһыыны саҕыыны чиҥэтэн, кэнэҕэскитин нэһилиэккэ, улууска, республикаҕа үлэнэн туһалаах үтүө-кэрэ дьону таһаарарга үлэлиэхтэрэ. Онно эбии Омолдоон туһунан киинэ уһуллуо, улууспут историятын туһунан ыччакка үөрэх кинигэтэ, Омолдоон туһунан Дмитрий Пономарев — Дьолуолаах уус уран айымньыта, бырааттыы Виктор уонна Борис Борисовтар хомуйан тааһарбыт кинигэлэрэ тахсыа. Бу барыта улууспут сайдарыгар туһуламмыт хамнаныылар буолаллар. Күндү ньурбабыт дьоно, Сахабыт сирин үтүө-мааны дьоно сэргэтэ! Бу быйылгы былааннаммыт үлэлэр олоххо киириилэригэр төһө кыалларынан, бу үтүө кэскиллээх үлэлэргэ кыахпытын холбоон, көмөлөһөн, харчы хомуурун саҕалыыбыт! Норуот күүһэ, көмүөл күүһэ! Кыахтаах, үптээх дьоҥҥо туһаайан элэ-была тылбытын этэбит, үтүө быһыыгытын бар дьоҥҥо көрдөрөн, урукку кыах сахалар холобурдарынан көмөтө оҥорорго кыһаллыҥ, ааккытын үйэлэргэ дьон өйүгэр-санаатыгар хаалларыҥ! Үтүө үлэ умнуллубат, ол историянан бигэргэтиллэн турар!
Быйыл күһүн балаҕан ыйын 2 күнүгэр Ньурба тыйаатырыгар, 8 күнүгэр Дьокуускай куорат Опера уонна балет тыйаатырыгар туруохтаах «Уол оҕо, ат кулун Омолдоон» музыкальнай драмаҕа 2000 солкуобайга (быйылгы бырайыктары өйүүргэ диэн) пригласительнай билиэт испииһэгин оҥоробут. Харчы ыытар сирэ мобильный банк 89644216666 Егор Валерьевич И. (толору аат, төлөппүөн нүөмэрин, Нюрба эбэтэр Якутск диэн суруйуохха наада).
«АЙАР КУТ» айар түмсүүтэ.
Култуурунай десант туһунан СМИ тахсыбыт матырыйааллар:
«Дойдум миэнэ Чаппанда» — ураты бырайыак. Саха сирэ.
“Дойдум миэнэ – Чаппанда” диэн социокултуурунай бырайыак ураты суоллаах-иистээх хамсааһын буолар.
Бырайыакпыт улуус 200 сылыгар дьоһун бэлэх буолуо
