Айар Кут медиа бөлөх биир хайысхатынан фотоальбом оҥоруутугар сакаас ылар. Фотоальбому сакаасчыт баҕатынан биирдиилээн дьон ахтыыларын киллэттэриэн, хаартыскаҕа идэлээх фотографка түһэттэриэн эбэтэр бэйэтин фотоархыыбыттан да туһаныан сөп. Фотоальбом таһа халыҥ, үйэлээх. Айар Кут медиа бөлөх таһаарбыт кинигэлэрин биһирэмин туспа үлэх быһыытынан видеоҕа устуон, анал сайтка үйэтитиэн сөп.

Бу күннэргэ «Ты идешь по кромке ледника взгляд не отрывая от вершины” диэн Латвия киин куоратыгар Ригаҕа авиационнай институт механическай факультетын кыһыл дипломунан бүтэрбит, олоҕун устата авиация сайдыытыгар үлэлээбит, СР авиациятын бочуоттаах үлэһитэ Иннокентий Васильевич Максимов туһунан кинигэ биһирэмэ буолан ааста.

И.В. Максимов улахан олоҕу олорон ааспытын хас лииһи астаҕын аайы итэҕэйэн иһэҕин. Сүрүн үлэтин таһынан хаартыскаҕа түһэриинэн, киинэ устуутунан, дьиэ-кэргэн архыыбын хомуйуутунан дьарыгырбыт. Уонтан тахса документальнай уонна түөрт кылгас киинэлэри устан хаалларбыт. Оруоллары устудьуоннар, летчиктар оонньообуттар. Айар үлэтин улахан ситиһиитинэн, 1982 сыллаахха “Авиаторы Заполярья” диэн устубут киинэтэ, Бүтүн Арассыыйатааҕы киинэни таптааччылар куонкурстарын лауреата буолбута. Бу куонкурус дьүүллүүр сүбэтин бэрэссэдээтэлинэн Леонид Гайдай үлэлээбит.

Кинигэ-альбому И.В.Максимов кэргэнэ, оҕолоро, аймахтара үтүө киһи аатын үйэтитээри сакаастаатылар. Чугас аймахтара мустан,өйдөбүл кинигэ-альбом тахсыбытыгар АйарКут медиа бөлөх (салайааччы Егор Иванов) коллективыгар махтаннылар. .

Кэргэнэ Маргарита Егоровна, Алексеевтар, Максимовтар бииргэ төрөөбүттэрэ, В.В.Алексеев, М.Г.Гоголева уо.д.а истиҥ-иһирэх тыллары тэҥэ бу альбом-кинигэ суолтатын эттилэр. Розалия Егоровна Сивцева: “ Бүгүн, Саха сиригэр уол оҕо күнэ. Саха норуотун биир чаҕылхай киһитэ И.В.Максимов чугас дьонун Алексеевтары, Максимовтары кинигэ биһирэмигэр муста. Кинигэни кыргыттара сүүрэн-көтөн, ахтыы хомуйан, хаартыскалары булан АйарКут медиа бөлөх коллективыгар биэрэн, үлэһит коллектив чопчу күнүгэр таһааран улаханнык үөрдүбүт. Кинигэ геройун олоҕо ырылыччы суруллубут, идэлээх фотографтар үйэлээх түһэриилэрэ үйэ тухары, көлүөнэттэн көлүөнэҕэ, кэрэ кэпсээн буолуоҕа. Инникитин эдэрдэр түмсэллэригэр олук уурулунна»- диэн санаатын үллэһиннэ.

Читайте также:  Якутские музыкальные инструменты: Традиции и современность
Үйэлээҕи үйэтитэр АЙАРКУТ

“Үрүччэ” Бүлүү улууһун оҕо ырыа-үҥкүү ансаамбыла тэриллибитэ 30 сылыгар аналлаах таһаарыы.

Бу ансаамбылы  1990 сыллаахха, РФ үөрэҕириитин туйгуна, РФ үөрэҕириитин үтүөлээх учуутала Мария Афанасьевна Тимофеева төрүттээбитэ. Кини бастаан Бүлүү сүрүн оскуолатыгар аҕыйах ахсааннаах оҕоҕо фольклор куруһуогун тэрийбитэ. Баҕалаах оҕо элбэҕинэн улахан ансаамбыл буола улааппыта. Бу ансаамбылга сылдьыбыт оҕолор саха фольклорун бары көрүҥүн — чабырҕаҕы, тойугу, оһуокайы, олоҥхону, норуот ырыаларын толорорго  үөрэнэн, саха олоҕун мындырдык анаарарга, олоххо бэйэлэрин миэстэлэрин буларга үөрэннэхтэрэ. Ол да иһин, төһөнөн элбэх сыл да аастар үөрэппит уһуйааччыларыгар, доҕордоспут коллективтарыгар махталлара муҥура суоҕа биллэр. Быйыл, ансаамбыл уочараттаах үбүлүөйүгэр өссө төгүл мустан, ыллаан-туойан, иһирэхтик санаһан аастылар. Уонна үөрүүгэ үөрүү эбэн, фотоальбом сакаастаан, оҕо саастарыгар саха култууратыгар, фольклорга уһуйуллубут кэмнэрин уонна алтыспыт оҕо саастарын үйэтиттилэр.

Үйэлээҕи үйэтитэр АЙАРКУТ

“Дочки- матери- Кэрэ ситимэ ”

Ийэлэр күннэригэр анаан ыытыллыбыт төрөппүт Ийэни кытта кыыс оҕотун ситимниир биир улахан үлэни үйэтитии- фотоальбомҥа тиһиллэн күн сирин көрбүтэ. Үрдүк таһымнаах куонкуруска  республика үрдүнэн, күн сиригэр баар күндү киһи – Ийэ барахсан төрөппүт кыысчаанын кытта көрөөччүлэр иннилэригэр талба талааннарын, истиҥ сыһыаннарын, ураты тапталларын көрдөрбүттэрин көрүөххүт. Арассыыйа ийэлэрэ региональнай Сүбэ чилиэнэ, Кэрэ ситимэ үҥкүүһүт ийэлэр уонна кыргыттар бырайыак саҕалааччыта уонна салайааччыта, дьүүллүүр Сүбэ салайааччыта Виктория Варламова-Контоева  сакааһынан АйарКут медиа бөлөх фотографтара кэрэ ситимин үйэтиппиттэрэ альбомҥа тиһиллэн, архыыб буолан үйэлэргэ хаалыаҕа. Бииртэн биир көрүөхтэн кэрэ кыргыттар, талааннаах ийэлэрин кытта күрэхтэспиттэрин көрөөччүлэр сөҕүөхтэрэ. Ол курдук, фотоальбом оҥоһуллубут хаачыстыбата үрдүк сыанабылы ылар. Фотоальбому көрбүт дьон Саха сирэ кэрэ кыргыттардаах, мындыр ийэлэрдээх диэн киэн тутта ааттыыр.

Читайте также:  Оркестр национальных инструментов Национального театра танца имени С.А.Зверева-Кыыл Уола
Үйэлээҕи үйэтитэр АЙАРКУТ

“Любимым родителям с Благодарностью ” диэн махтал тыллардаах фото — альбому Кыһыл көмүс сыбаайбаларынан Таатта улууһугар олорор үтүө-мааны Антонина Егоровна, Владимир Ильич Кононовтарга анаан кыргыттара, сиэннэрэ сакаастаатылар. Владимир Ильич Таатта элбэх көлүөнэ оҕолорун чэгиэн буоларга такайбыт, чөл олоҕу пропагандалаабыт, элбэх ситиһиилээх спортсменнары таһаарбыт, бэйэтин кэнниттэн физическай култуура учууталларын ииппит үтүөлээх. Кэргэнинээн Антонина Егоровналыын кыһыл көмүс сыбаайбаларын оҕолорун дьиэ-кэргэнннэрин, сиэннэрин ортотугар ылар дьоллоох ыаллар.

Фотоальбомнар араас интэриэһинэй дьылҕалаах, араас талааннаах дьон олохторугар ананарынан, араас түмсүүлэр үбүлүөйдэрин сырдатарынан майгыннаспат ис хоһоонноохтор, тус-туспа киэргэтиилээхтэр.

Күндү ааҕааччы,  үйэҕэ биирдэ буолар үтүө түгэннэргитин:

  • үбүлүөйдэргитин
  • ыал буолбут умнуллубат күҥҥүтүн
  • оҕо төрөөбүт күннэрин
  •  орто оскуоланы бүтэрбит сылларгытын
  • күн сирин көрдөрбүт төрөппүттэргит тустарынан
  • үлэҕитигэр профсойуускут үлэтин
  • дьиэ малааһынын уо.д.а. сакаастыаххытын сөп.

Сакааһы биэрии аадырыһа: Петра Алексеева 73, студия PROФОТО
Электроннай почта: profotoykt@mail.ru
Билсэр төлөппүөн:89644216666
Инстаграмм: @profotoykt @ayarkyt