АММА 100 СЫЛА

Таатта улууһа
Амма нэһилиэгэ 100 сыла

УРУЙДУУ  ТУОЙУОҔУҤ ОЛОҔУ

Унаар Уйбаан

Ааспыт кэм сайа охсор салгына
Олоххо дьулууру үөскэтэр.
Аммабыт уостубат долгуна
Быйаҥнаах олоххо күүс саҕар.

Чычымах кэскилин тирэҕэ –
Аар тайҕа Байанай алгыһа,
Ааллаах Үүн айанын аартыга –
Өбүгэ олоҕун тосхоло.

«Сааскы кэм» улуукан номоҕо –
Былыргы тыа ыалын олоҕо,
Удьуор уус өй – сүрэх күүрээнэ.
Урааҥхай киэн туттар талаана.

Эллэйгэ туойуллар тумуллар
Олоҕу уруйдуу тураллар.
Кэрэни, кэскили туойаллар,
Чычымах аатыттан алгыыллар.

Уруйдуу туойуоҕуҥ олоҕу,
Үйэ саас уостубат дьулууру,
Чычымах үлэһит дьоннорун,
Кэскиллээх эдэр саас дьоҕурун.