Саха республикатын культурата сайдарыгар сүҥкэн   кылаатын киллэрбит Дүпсүн улууһуттан төрүттээх биир дойдулаахпытыгар В.А.Босиковка «СР Бочуоттаах Гражданина» диэн үрдүк ааты иҥэрбиттэригэр биһиги, биир дойдулаахтара, культура үлэһиттэрэ, республика да бары олохтоохторо үөрэ-көтө, астына долгуйа көрсүбүппүт.

   Василий Афанасьевич дьиҥ чахчы республика культуратын үлэһиттэрин АКСАКААЛЛАРА, үгүс культура тэрилтэлэрин тэрийээччилэрэ, аҕалаатар аҕалара, наставник тара, республикаҕа профессиональнай искусство, бүтүн норуот культурата духовнаһа сайдарыгар, Саха омук культурата Россия, Союз, аан дойду таһымыгар тахсарыгар бэйэтин айылҕаттан бэриллибит сүҥкэнннээхэй тэрийэр, салайар дьоҕурунан, уҕараабат эрчиминэн, сындалыйбат сындааһынынан   олук уурбут Легенда буолбут киһи.

  Уонунан сылларга республика культураҕа министерствотыгар солбуйааччы министринэн үлэлии олорон, Опера уонна Балет Театрын опернай, сольнай, балетнай группаларын, симфоническай оркестрын, көстүүмнэрин, декорацияларын, атын материальнай базаларын хаҥатыыны, репертуардарын, гастролларын тэрийиини, бастакы эстрада, үҥкүү театрдарын, музыка үрдүкү оскуолатын кини ахсаабат кыьамнньытынан, сатабылынан олоххо киллэрбитэ. Саха опернай ырыаһыттара, Музыка үрдүкү оскуолатын о5олоро, Саха драматическай театра Саха норуотун профессиональнай классическай искусствоҕа ситиһиилэрин аан дойдуга таьаардылар.

   Министерствоҕа үлэлиир сылларыгар Москваҕа,  Башкирияҕа,  Ульяновскайга  ыытыллыбыт Саха  сирин  литературатын,  искусствотын  кннэрин  тэрийиигэ,  ол  күннэргэ  аатырбыт  Найахы  хорун,  кэлин  «Кэнчээрибин»  кытта  сылдьыбыт  буолан,  Василий  Афанасьевич  400  тахса  састааптаах  делегацияны,  кэлиитин-барыытын,  түһэриитин-аһатыытын, хас  эмэ  театр  декорациятын,  кестүүмүн,  араас выставкалар таһаҕастарын  самолетунан,  поеһынан тиэйтэриини,  сүөкээһини,  миэстэтигэр  тиэрдэн сценаҕа  таҥыыны сүүрэн-көтөн дьаһайа  сылдьарын  сөҕө  көрөрүм.

Биьиги бастакы Президеммит М.Е.Николаев сахатын норуотун сайдар кэскилин түстээн, ханна да суох оҕолорго аналлаах Музыка үрдүкү оскуолатын туттаран, директорынан чуо В.А.Босиковы анаабыта элбэҕи кэпсиир. Быйыл 25 сылын туолбут оскуола 100-нэн оҕолоро Россия, Аан дойду конкурстарын лауреаттара буоллулар, Аан дойду аатырбыт, араас государстволар Королевскай оркестрдарыгар тиийэ үлэлии сылдьаллар.   

Читайте также:  Ырыа - тойук аргыстаах ыһыах кэрэ киэһэлэрин киэргэллэрэ

   Биьиги улуустан аҕыйах да буоллар оҕолор бу оскуолаҕа үөрэнэр чиэскэ тигистилэр.  Чуолаан «Кэнчээри» ансамбль солистката Вероника Пухова Үрдүкү оскуола вокальнай отделениятын ситиһиилээхтик бүтэрэн аар саарга аатырбыт «Туймаада» госудаственнай ансамбль солисткатынан үлэлээбитэ. Коля Турантаев кларнет кылааһыгар үөрэнэн бүтэрэн үлэлии   сылдьар. Афоня Олесов опера уонна балет тыйаатырын артыыһа.

  Василий Афанасьевич   директордыы олорон Үрдүкү музыка оскуолатын симфоническай оркестрын, аан дойдуга аатырбыт «Саха сирин виртуозтара» скрипачтар  ансамбылларын,  оччотооҕу баһылык Бочкарев  И.В. кеҕүлээһининэн Бороҕоҥҥо  таһааран  бэртээхэй  концеры  бэлэхтээн,  дьиҥнээх искусство  диэн  тугун  биир  дойдулаахтарыгар  көрдөрөн , улуус  нэһилиэнньэтэ  духовнай  культурнай сайдыытыгар   өтөрүнэн  умнуллубат түгэни  бэлэхтээн, улахан өҥөнү  оҥорон турар.  Саха  сирин  виртуозтара ансамбль салайааччыта С.Афансенко 2006 с. «Искусство  уонна  литература» номинация5а «Якутянин  года» буолбута. 2007 с. мин ити номинацияҕа лауреат  буолбуппар  Овальнай  залга миэхэ Лауреат  знагын  туттаран  баран,    ансамблын  кытта Вагнер музыкатынан  эҕэрдэлээбиттэрэ эриэккэһэ  бэрдэ.

  Улууспут историятыгар аан бастакынан Республика Бочуоттаах гражданина буолбут  биир  дойдулаахпытын, РФ, СР культураларын  үтүөлээх үлэһитин, П.А.Ойуунускай  аатынан  Государственнай  премия  Лауреатын,  аҕа  табаарыспытын В.А.Босиковы  киэн  тутта ааттаан бүтүн республика культуратын үлэһиттэрэ кини сырдык аатын кэриэстээн памятник туттарар туһунан этиилэрин сүүс бырыһыан өйүүбүн.

                РФ, САССР культураларын үтүөлээх үлэһитэ, РФ үтүөлээх Образцовай коллективын «Кэнчээри» народнай ансамбль салайааччыта, 2006с. Россия Бастыҥ киһитэ, 2007с. СР Бастыҥ киһитэ, Аҕа дойдуга үтүөлэрин иһин 2 степэннээх Орден медалын Кавалера, Сибэтиэй Иннокентий Орден кавалера, РФ журналистарын Союһун чилиэнэ

Читайте также:  Шеф-повар Николай Атласов раскрывает секрет приготовления вкусных блюд

В. Парников.

24 апреля в 19.00 ч. в Государственном цирке имени Марфы и Сергея Расторгуевых состоится благотворительный концерт «ЛЕГЕНДА», сборы от которого будут направлены на создание и установку памятника заслуженному работнику культуры РСФСР и ЯАССР, Почетному гражданину РС(Я), лауреату Государственной премии им. П.А. Ойунского, отличнику профессионального образования РС(Я), Василию Афанасьевичу Босикову.
В концерте принимают участие:
Народные артисты РФ и РС(Я): Альбина Борисова, Иван Степанов
Заслуженный артист РФ, народный артист РС(Я) Юрий Платонов.
Народные артисты РС(Я): Владимир Заболоцкий, Николай Попов, Владимир Татаринов, Екатерина и Алексей Егоровы.
Заслуженные артисты РС(Я): Варя Аманатова, Анастасия Готовцева, Тамара Попова, Александр Дьячковский-Саарын. «Йехай-Чуохай»: Г.Степанов, А.Григорьева, М.Кириллина, П.Сыроватский. «Мелодии Севера»: А.Капитонов, А.Егоров, Е.Кондакова, Ф.Колесова, П.Колесов, Отличник культуры РС(Я) Татьяна Андросова, Государственный ансамбль РС (Я) «Виртуозы Якутии», ансамбль «Туймаада», Национальный театр танца РС(Я) им.С.А.Зверева Кыыл Уола, Солисты хора Государственной филармонии РС(Я) Леонид Анциферов и Дмитрий Никифоров-Келлер. Учащиеся хореографического училища им. А. и Н. Посельских. Артисты Государственного цирка им. М. и С. Расторгуевых.
Ведущие благотворительного концерта: Александр Бурнашев и Владимир Индигирский.
Приглашаем всех на благотворительный концерт!!!
🔹Стоимость билетов: 500 р.
🔹Начало:19:00ч.
🔹Место проведения: Государственный цирк РС(Я) им. Марфы и Сергея Расторгуевых.
🔹Билеты в кассах Филармонии Якутии, Государственного цирка РС(Я) и общественных распространителей.
🔹Справки по телефону: 47-63-35
🔹Кассы Филармонии Якутии:
Ул. Ярославского, 27 (офис111)
Ул. Орджоникидзе, 38 (ТРК «Туймаада», 1 этаж)
🔹Телефоны кассы Государственного цирка РС(Я): 42-95-68, 735-537