Андриан Павлов «Ийэбэр» маҥнайгы айар киэһэтэ.


Сарсын алтынньы 19 күнүгэр П.А.Ойунскай аатынан Таатта народнай тыйаатырыгар киэһэ 16.00 уонна 18.00 чаастан Андриан Павлов «Ийэбэр» диэн маҥнайгы айар киэһэтэ буолар. Андриан Павлов туһунан аан маҥнайгыбын ырыаны айааччы быһыытынан кини доҕоро, атаһа, биир дойдулааҕа сахалыы куттаах ырыаһыт уонна алгысчыт Виталий Очиров толоруутугар «Айыыларым арчылааҥ» ырыа ылланыаҕыттан ыла билэбин.  Интэриниэт ситимигэр кэнсиэр афишатын түбэһэ көрөн «Айыыларым арчылааҥ» ырыа ааптарын уонна толорооччутун кытары көрсөн кэпсэтэри быһаарынным.

Андриан Павлов "Ийэбэр" маҥнайгы айар киэһэтэ.

Андриан Павлов:

“Мин Павлов Андриан диэммин. Ийэм, аҕам Таатта улууһун Туора — Күөл нэһилиэгиттэн сылдьаллар. Дьонум Муомаҕа үлэҕэ анананнар 2 сааспыттан 5-с кылааска диэри кэрэ айылҕалаах, хайалардаах  Муомаҕа олорбуппут. Кыра оҕо эрдэхпиттэн аҕам гитараҕа оонньуурун истэрим, кини курдук оонньуохпун ымсыыра көрөр этим. Сыыйа аҕам оонньуурга үөрэтэн, матыып таһааран бэйэм ыллыыр үгэстэммитим.  Төрөөбүт Тааттабытыгар  5-с кылааска үөрэнэ сырыттахпына төттөрү көһөн кэлиэхпититтэн “Дом музыки” гитараҕа умсугутуулаахтык дьарыктанан барбытым.

Андриан Павлов "Ийэбэр" маҥнайгы айар киэһэтэ.

7 кылааска үөрэнэ сылдьан Арыылаахха олорор Ваня диэн убайым «Сырдык санаа» хоһоонугар диэн бастакы матыыппынан ырыаһыт быһыытынан аан бастакыбын Аркадий Алексеев «Ыллаа — туой оҕо саас» диэн күрэҕэр «Гран – при» үрдүк ааты ыламмын, айар киһиэхэ бэйэҕэ эрэл күүһүрэн, саҥа ырыалары айан барбытым.  Устудьуоннуур кэммэр «Сибэккилэр» диэн ырыабын араадьыйа5а биэриэхпиттэн, истээччи дьон биһирэбилин ылары ситиспитим. Ити бириэмэҕэ эстрадаҕа кылгас бириэмэҕэ ыллаан турардаахпын. «Айыыларым арчылааҥ» ырыабын сайынын төрөөбүт дойдубар Туора-Күөлгэ биир олоруунан суруйан кэбиспитим. Ырыабын доҕотторбун кытта Кеша Васильев — убайбытыгар иһитиннэрбиппит, ырыабын тута истээт сөбүлээн, бэйэтин кэнсиэригэр ыллыырга ыҥырбыта. Кэнсиэр сарсыныгар Виталийы кытта көрсөн ырыабын ыллыырын туһунан кэпсэппиппит. Убайым түргэнник  — тарҕаннык ырыабын записьтаан, радиоҕа тыаһыаҕыттан, табаарыһым Виталий Мордовской эрийэн соһуйбут куолаһынан «манна эн ырыаҥ тыаһыы турар дии»  диэҕиттэн бар дьоммутугар ырыаларбын Виталий Очиров  ыллыы-туойа сылдьарыттан үөрэбин.

Читайте также:  ДЛЯ НАС ГЛАВНОЕ – КАЧЕСТВО!

Бу сайын Виталийы кытары көрсөммүн, «Сүрэҕим аҥара» диэн саҥа суруйбут ырыабын иһитиннэрбитим. Убайым истээт даҕаны, «ыллыахха баар эбит» диэбитэ. Ый аҥара да ааспатаҕа,  инстаграмм хаһа сытаммын көрбүтүм, ырыам тахса охсубут этэ.

Виталий Очиров:

Мин санаабар, ырыаһыт икки куттаах: айар куттаах уонна иитэр куттаах ырыаһыт. Холобур, Андриан Павлов — айар куттаах ырыаһыт, онтон мин иитэр куттаах ырыаһыппын. Ол эбэтэр оҕону иэйэн — куойан, таптаан, кууһан ырыаны ол курдук иитиэххин наада эмиэ.

Андриан Павлов "Ийэбэр" маҥнайгы айар киэһэтэ.

Табаарыспын, бырааппын Андрианы ылан көрдөххө, кини ураты айар дьоҕурдаах, хайа даҕаны атын айар куттаах ырыаһыттарга маарыннаабат, бэйэтэ туспа суоллаах – иистээх, буочардаах уол оҕо.

Бу алтынньы ый 19 күнүгэр Тааттаҕа, Ытык — Күөлгэ Андриан Павлов сольнай кэнсиэрэ буолуохтаах. Андриан бу маҥнайгы инники хардыыта, үктэлэ буолар. Ол кэннэ, хаһан баҕар иккис хардыы кэлэр, ону этэҥҥэ улэлээтэхпитинэ хардыыбыт өссө элбээн, кэҥээн  иһиэ буоллаҕа.

Андрианныын Ийэ күнүгэр анаан тэрийэр кэнсиэрбитигэр саҥа суруллубут «Ийэбэр» диэн ырыата ааптар  толоруутугар иһиллиэҕэ. Бэйэ бэйэбитин өйөһө, махтана сырыттахха элбэҕи ситиһиэхпит, кэнсиэртэн киирбит үп, Андриан Павлов саҥа ырыалара оҥоһулларыгар, саҥа обраһыгар, саҥа таҥаһыгар барыаҕа.

Мин доҕорбор Андриаҥҥа улаханнык махтанабын. Виталий Очиров — ырыаһыт буоларбар, кини суруйбут «Айыыларым арчылааҥ» диэн ырыата миигин өйөөбүтэ, кынаттаабыта.

Андриан Павлов "Ийэбэр" маҥнайгы айар киэһэтэ.

Филологическай факультет, журналистика салаатын 1 кууруһун устудьуона Валерия Винокурова.