Киниттэн Айар Кут анатан
Күн Куйаар Эн сиргэ кэлбиккин,
Сир-халлаан тыыныгар бигэтэн
Киһи киэҥ иэнигэр киирбиккин!
Сүрэҕи иэйиилээн, илгэлээн
Туланы Эн туойар эбиккин,
Ол Үтүө утаҕа түмүллэн
Айар Кут алыба буолбуккун!
Күнтэн көнтөстөөх Күн Киһитэ,
Айыылартан алгыстаах Айыы киһитэ,
Киэҥ куткар киирэн бэйэҕин билин!
Толору куткар бигэнэн тупса туругур!
Ааҥҥын арын, аналгын ылын!
Киэпкэр киир, кэскилгин кэҥэт!
Үрдүккүн ылын, үтүөҕүн үксэт!
Аналгын толор, Айар Кут буол!
